خیبرپختونخوا حکومت نے این اے 18 ہری پور ضمنی انتخابات میں دھاندلی کے الزامات پر انکوائری کا فیصلہ کر لیا
معاون خصوصی اطلاعات شفیع جان کے مطابق وزیراعلیٰ سہیل آفریدی نے ضمنی انتخابات کی مکمل انکوائری کے لیے پارٹی کو اختیار دے دیا ہے، جس میں کلاس فور سے لے کر ڈپٹی کمشنر تک کے تمام اہلکار شامل ہوں گے۔ شفیع جان نے کہا کہ کسی بھی افسر یا اہلکار کے ملوث ہونے پر سخت تادیبی کارروائی ہوگی، جبکہ صوبائی ملازمین اور افسران کی شفافیت پر اعتماد ہے۔
معاون خصوصی نے مزید بتایا کہ مبینہ دھاندلی کے حوالے سے الیکشن کمیشن کو ریفرنس بھیجا جا رہا ہے اور پریذائیڈنگ افسران کے بیانات اور حلفی گوشوارے قلمبند کیے جا رہے ہیں۔
تازہ ترین خبروں کے لیے پی این آئی کا فیس بک پیج فالو کریں
