پاکستان میں پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔ صنعتی اور سرکاری ذرائع کے مطابق یکم دسمبر سے قیمتوں میں 6 روپے 35 پیسے تک کمی متوقع ہے۔ تیل کی عالمی سپلائی میں اضافے کو اس ممکنہ ریلیف کی وجہ قرار دیا جا رہا ہے۔
پیٹرول کی قیمت میں 3 روپے 70 پیسے فی لیٹر کمی کا امکان ہے جبکہ ہائی اسپیڈ ڈیزل کی قیمت میں 4 روپے 28 پیسے فی لیٹر کمی متوقع ہے۔ لائٹ ڈیزل آئل کی قیمت میں سب سے زیادہ 6 روپے 35 پیسے فی لیٹر کمی ہو سکتی ہے۔
مٹی کے تیل کی قیمت میں 0.73 روپے کمی کا امکان ظاہر کیا گیا ہے، جس کے بعد فی لیٹر نئی قیمت 193.61 روپے ہو سکتی ہے۔
تازہ ترین خبروں کے لیے پی این آئی کا فیس بک پیج فالو کریں
