اسلام آباد میں فیڈرل بورڈ آف ریونیو نومبر میں ٹیکس وصولی کا مقررہ ہدف حاصل نہ کر سکا۔ حکام کے مطابق نومبر کے لیے 1034 ارب روپے کا ہدف مقرر تھا جبکہ وصولی 878 ارب روپے رہی، یوں 156 ارب روپے کا شارٹ فال سامنے آیا۔ ایک روز میں شارٹ فال میں تقریباً 5 ارب روپے کی کمی کا امکان ظاہر کیا گیا ہے۔
دسمبر کے لیے ٹیکس وصولی کا ہدف 1406 ارب روپے رکھا گیا ہے۔ رواں مالی سال کے پہلے پانچ ماہ میں ٹیکس وصولی 4715 ارب روپے رہی جو 5083 ارب روپے کے ہدف سے کم ہے۔ حکام کا کہنا ہے کہ ایف بی آر کو مجموعی طور پر 413 ارب روپے کے شارٹ فال کا سامنا ہے۔
ٹیکس وصولی کے ہدف تک پہنچنے کے لیے آج بھی دفاتر کھلے رہے اور حکام کا کہنا ہے کہ وہ مقررہ اہداف پورے کرنے کے لیے پُرعزم ہیں۔
تازہ ترین خبروں کے لیے پی این آئی کا فیس بک پیج فالو کریں
