اسلام آباد: صارفین کو ایک ماہ کے لیے بجلی کے بلوں میں ریلیف ملنے کا امکان ہے اور یہ کمی کے الیکٹرک صارفین پر بھی لاگو ہوگی۔
ماہانہ فیول پرائس ایڈجسٹمنٹ کی مد میں سی پی پی اے نے درخواست دائر کی جس پر نیپرا نے سماعت کی۔ اکتوبر کے لیے فی یونٹ بجلی کی قیمت میں کمی کی تجویز دی گئی تھی، تاہم نیپرا نے سماعت مکمل کرنے کے بعد فیصلہ محفوظ کرلیا۔
سی پی پی اے کے اعداد و شمار کا جائزہ لینے کے بعد نیپرا فیصلہ جاری کرے گا۔ منظوری کی صورت میں اس کمی کا اطلاق کے الیکٹرک صارفین پر بھی ہوگا، جس سے ایک ماہ کے لیے بجلی فی یونٹ تقریباً 65 پیسے سستی ہونے کا امکان ہے۔
درخواست میں بتایا گیا کہ اکتوبر میں پانی سے بجلی کی پیداوار 27.36 فیصد رہی، ایک ماہ میں مقامی کوئلے سے پیداوار 12.76 فیصد، امپورٹڈ کوئلے سے 4.71 فیصد، گیس سے 9.16 فیصد، درآمدی آر ایل این جی سے 19.72 فیصد اور نیو کلیئر سے 22.13 فیصد رہی۔
تازہ ترین خبروں کے لیے پی این آئی کا فیس بک پیج فالو کریں
