ملک میں سیمنٹ کی ریٹیل قیمتوں میں گزشتہ ہفتے معمولی ردوبدل دیکھا گیا۔
قومی ادارہ برائے شماریات کے مطابق 20 نومبر کو ختم ہونے والے ہفتے میں شمالی شہروں میں سیمنٹ کی فی بوری اوسط ریٹیل قیمت 1365 روپے رہی، جو پچھلے ہفتے کے مقابلے میں 0.22 فیصد زیادہ ہے۔ پچھلے ہفتے شمالی شہروں میں فی بوری اوسط قیمت 1362 روپے تھی۔
دوسری جانب جنوبی شہروں میں فی بوری اوسط ریٹیل قیمت 1440 روپے رہی، جو پچھلے ہفتے کے مقابلے میں 0.09 فیصد کم ہے، پچھلے ہفتے جنوبی شہروں میں اوسط قیمت 1441 روپے تھی۔
شمالی شہروں میں گزشتہ ہفتے سیمنٹ کی قیمتیں اس طرح ریکارڈ کی گئی ہیں: اسلام آباد 1367 روپے، راولپنڈی 1355، گوجرانوالہ 1400، سیالکوٹ 1350، لاہور 1410، فیصل آباد 1340، سرگودھا 1350، ملتان 1389، بہاولپور 1400، پشاور 1353 اور بنوں 1300 روپے۔
جنوبی شہروں میں فی بوری قیمتیں درج ذیل رہیں: کراچی 1373، حیدرآباد 1427، سکھر 1500، لاڑکانہ 1407، کوئٹہ 1490 اور خضدار 1443 روپے۔
تازہ ترین خبروں کے لیے پی این آئی کا فیس بک پیج فالو کریں
