وزارتِ قانون نے وفاقی آئینی عدالت کے ججز کی تقرری کا نوٹیفکیشن جاری کردیا ہے، جس کے تحت عدالت میں مجموعی طور پر چھ ججز فرائض انجام دیں گے۔ نوٹیفکیشن کے مطابق جسٹس حسن اظہر رضوی اور جسٹس عامر فاروق آئینی عدالت کا حصہ ہوں گے۔
اسی طرح جسٹس علی باقر نجفی اور جسٹس کے کے آغا کو بھی عدالت کا جج مقرر کیا گیا ہے، جب کہ بلوچستان سے جسٹس روزی خان اور پشاور ہائی کورٹ سے جسٹس ارشد حسین شاہ آئینی عدالت کے جج ہوں گے۔ واضح رہے کہ جسٹس امین الدین نے وفاقی آئینی عدالت کے پہلے چیف جسٹس کے طور پر حلف اٹھا لیا ہے۔ ان سے حلف برداری کی تقریب ایوانِ صدر میں منعقد ہوئی جس میں صدرِ مملکت آصف علی زرداری نے ان سے عہدے کا حلف لیا۔ تقریب میں وزیراعظم شہباز شریف، وفاقی وزراء، اراکینِ پارلیمنٹ، چیئرمین پیپلز پارٹی بلاول بھٹو زرداری اور اعلیٰ عسکری حکام نے شرکت کی۔
تازہ ترین خبروں کے لیے پی این آئی کا فیس بک پیج فالو کریں
