بلوچستان کے دارالحکومت کوئٹہ میں ایک غیر متوقع انتظامی فیصلے کے تحت تمام تعلیمی ادارے جمعہ چودہ نومبر تک بند کر دیے گئے ہیں۔ کوئٹہ کینٹ کے تمام سرکاری، نجی اور نیم سرکاری تعلیمی ادارے اس عرصے کے دوران بند رہیں گے، جس کے باعث نویں اور دسویں جماعت کے جاری امتحانات بھی ملتوی کر دیے گئے ہیں۔
بورڈ حکام کا کہنا ہے کہ ملتوی شدہ پرچوں کی نئی تاریخوں کا اعلان بعد میں کیا جائے گا۔ ذرائع کے مطابق تعلیمی اداروں کی اس بندش کا فیصلہ ممکنہ سیکیورٹی خدشات کے پیش نظر کیا گیا ہے، تاہم حکومتی سطح پر اس بارے میں کوئی باضابطہ بیان جاری نہیں کیا گیا ہے۔
کوئٹہ بورڈ کے ذرائع کے مطابق امتحانات کے نئے شیڈول پر کام جاری ہے اور جیسے ہی صورتحال معمول پر آئے گی، نئی تاریخوں کا اعلان کر دیا جائے گا۔ کچھ نجی اسکولوں کی انتظامیہ نے بندش کے دوران آن لائن کلاسز جاری رکھنے پر غور کر رہی ہیں تاکہ طلبہ کے تعلیمی سلسلے میں کوئی تعطل نہ آئے۔
تازہ ترین خبروں کے لیے پی این آئی کا فیس بک پیج فالو کریں
