فیصل آباد: سنی اتحاد کونسل کے سربراہ صاحبزادہ حامد رضا کو پولیس نے فیصل آباد سے گرفتار کر لیا ہے۔
پولیس ذرائع کے مطابق حامد رضا متعدد مقدمات میں مطلوب تھے اور عدالت سے سزا یافتہ قرار دیے جا چکے ہیں۔ گرفتاری کے بعد انہیں فیصل آباد سینٹرل جیل منتقل کر دیا گیا۔ پولیس کے مطابق اسلام آباد پولیس نے ابتدائی طور پر انہیں گرفتار کیا، جس کے بعد فیصل آباد پولیس کے حوالے کیا گیا۔ بعد ازاں انہیں انسدادِ دہشت گردی عدالت میں پیش کیا گیا جہاں عدالت نے جیل بھیجنے کا حکم جاری کیا۔
یاد رہے کہ رواں سال 31 جولائی کو فیصل آباد کی انسدادِ دہشت گردی عدالت نے 9 مئی کے تین مقدمات میں فیصلہ سناتے ہوئے 196 ملزمان کو مختلف سزائیں سنائی تھیں۔ انہی مقدمات میں اپوزیشن لیڈر عمر ایوب، سینیٹر شبلی فراز، زرتاج گل اور صاحبزادہ حامد رضا کو بھی 10، 10 سال قید کی سزائیں سنائی گئی تھیں۔
تازہ ترین خبروں کے لیے پی این آئی کا فیس بک پیج فالو کریں
