سکھر: احتساب عدالت نے پیپلز پارٹی کے سینئر رہنما خورشید شاہ کے خلاف آمدن سے زائد اثاثہ جات کا ریفرنس ایف آئی اے عدالت منتقل کرنے کا حکم دے دیا۔
سکھر کی احتساب عدالت میں کیس کی سماعت جج غلام یاسین کولاچی نے کی، جس میں خورشید شاہ کے صاحبزادے اور رکن سندھ اسمبلی فرخ شاہ وکیل محفوظ اعوان کے ہمراہ پیش ہوئے۔سماعت مکمل ہونے کے بعد عدالت نے محفوظ فیصلہ سناتے ہوئے کیس کو ایف آئی اے عدالت منتقل کرنے کا فیصلہ سنایا۔ یاد رہے کہ گزشتہ سماعت پر نیب نے چھ سال بعد 19 کروڑ روپے سے زائد کا حتمی چالان جمع کرایا تھا، جب کہ نیب نے اثاثوں کی مالیت ایک ارب 23 کروڑ روپے سے کم ہونے کی بنیاد پر کیس ایف آئی اے منتقل کرنے کی درخواست دی تھی۔ دوسری جانب خورشید شاہ کے وکیل نے کیس اینٹی کرپشن کو منتقل کرنے کی استدعا کی تھی۔
نیب ریفرنس میں خورشید شاہ، ان کے بیٹے فرخ شاہ اور زیرک شاہ، بھتیجے و اسپیکر سندھ اسمبلی اویس شاہ سمیت 18 افراد کو نامزد کیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
