پاکستان تحریک انصاف (پی ٹی آئی) کے رہنما شاہ محمود قریشی سے پارٹی کے سابق رہنماؤں کی اہم ملاقات کی تفصیلات سامنے آگئی ہیں۔
ذرائع کے مطابق پی ٹی آئی کے سابق رہنماؤں نے بانی پی ٹی آئی کی رہائی کے لیے سیاسی جماعتوں اور مختلف شخصیات سے رابطے کرنے کا فیصلہ کیا ہے۔ اس رابطہ کاری مشن میں فواد چوہدری، عمران اسماعیل، علی زیدی، محمود مولوی، سبطین خان اور دیگر شامل ہیں۔ اطلاعات کے مطابق سابق قیادت جلد ن لیگ کے رہنماؤں سے بھی ملاقات کرسکتی ہے تاکہ ملک میں سیاسی درجہ حرارت کو کم کرنے کی کوشش کی جائے۔ اس کے علاوہ پی ٹی آئی کی سابق قیادت کا بانی پی ٹی آئی سے ملاقات کا امکان بھی ظاہر کیا گیا ہے۔
ذرائع نے بتایا کہ ملاقات میں شاہ محمود قریشی کے کردار اور پارٹی معاملات کی بہتری پر تفصیلی گفتگو ہوئی۔ سابق رہنماؤں نے اعجاز چوہدری، میاں محمودالرشید اور عمر سرفراز چیمہ سے بھی ملاقات کی، جس میں موجودہ سیاسی صورتحال پر تبادلہ خیال کیا گیا۔
تازہ ترین خبروں کے لیے پی این آئی کا فیس بک پیج فالو کریں
