اسلام آباد کی ڈسٹرکٹ اینڈ سیشن کورٹ نے متنازع ٹویٹ کیس میں ایمان مزاری اور ہادی علی چٹھہ پر فردِ جرم عائد کردی۔
ایڈیشنل سیشن جج افضل مجوکہ نے کیس کی سماعت کی، جہاں دونوں ملزمان نے عدالت کے روبرو صحتِ جرم سے انکار کردیا۔ عدالت نے آئندہ سماعت کے لیے استغاثہ کے تمام گواہان کو طلب کر لیا ہے، جبکہ ہادی علی چٹھہ کو دوبارہ ضمانتی مچلکے جمع کروانے کی ہدایت دی گئی۔ کیس کی مزید سماعت 5 نومبر تک ملتوی کر دی گئی۔
واضح رہے کہ ایمان مزاری اور ہادی علی چٹھہ کے خلاف مقدمہ نیشنل سائبر کرائم انویسٹی گیشن ایجنسی (NCCIA) کی جانب سے درج کیا گیا تھا۔
تازہ ترین خبروں کے لیے پی این آئی کا فیس بک پیج فالو کریں
