راولپنڈی: انسدادِ دہشت گردی عدالت نے 26 نومبر احتجاج کیس میں علیمہ خانم کی عدم حاضری پر تیسری مرتبہ ناقابلِ ضمانت وارنٹ گرفتاری جاری کر دیے۔
تفصیلات کے مطابق راولپنڈی کی انسدادِ دہشت گردی عدالت کے جج امجد علی شاہ نے کیس کی سماعت کی۔ مقدمے میں نامزد دیگر 10 ملزمان عدالت میں پیش ہوئے جبکہ استغاثہ کے 5 گواہان بھی مالِ مقدمہ سمیت عدالت میں موجود تھے۔
عدالت نے علیمہ خانم کی گرفتاری کے احکامات جاری کرتے ہوئے راولپنڈی پولیس کو ہدایت دی کہ انہیں گرفتار کرکے 22 اکتوبر کو عدالت میں پیش کیا جائے۔
عدالت نے علیمہ خانم کے ضامن عمر شریف کے بھی ناقابلِ ضمانت وارنٹ گرفتاری جاری کیے اور ان کی جائیداد کی دستاویزات کی تصدیق کے لیے ڈپٹی کمشنر راولپنڈی کو ہدایات جاری کر دیں۔
تازہ ترین خبروں کے لیے پی این آئی کا فیس بک پیج فالو کریں
