الیکشن کمیشن آف پاکستان نے پنجاب میں ضمنی انتخابات کا نیا شیڈول جاری کر دیا ہے، جس کے تحت پولنگ 23 نومبر 2025 کو ہوگی۔
ترجمان صوبائی الیکشن کمشنر کے مطابق فیصل آباد اور ساہیوال کے پانچ حلقوں میں ضمنی انتخاب ہوگا، جن میں این اے 96، این اے 104، این اے 143، پی پی 98 اور پی پی 203 شامل ہیں۔ شیڈول کے مطابق ریٹرننگ افسران کے فیصلوں کے خلاف اپیلیں 24 اکتوبر تک دائر کی جا سکیں گی، جبکہ اپیلٹ ٹریبونل ان اپیلوں پر فیصلے 31 اکتوبر تک سنائے گا۔ امیدواروں کی نظرثانی شدہ فہرست یکم نومبر کو جاری کی جائے گی، دستبرداری کی آخری تاریخ 3 نومبر مقرر ہے، اور انتخابی نشانات 4 نومبر کو الاٹ کیے جائیں گے۔
ترجمان کا کہنا ہے کہ یہ شیڈول الیکشن ایکٹ 2017 کے تحت جاری کیا گیا ہے، اور الیکشن کمیشن نے تمام امیدواروں اور جماعتوں کو ضابطہ اخلاق پر سختی سے عملدرآمد کی ہدایت دی ہے۔
تازہ ترین خبروں کے لیے پی این آئی کا فیس بک پیج فالو کریں
