لاہور: 9 مئی کے مقدمے میں سابق وزیرِ خارجہ شاہ محمود قریشی کی بریت کو لاہور ہائیکورٹ میں چیلنج کردیا گیا ہے۔
جیو نیوز کے مطابق، پراسیکیوشن نے لاہور ہائیکورٹ میں اپیل دائر کرتے ہوئے مؤقف اختیار کیا ہے کہ ٹرائل کورٹ نے حقائق کے برعکس فیصلہ دیا اور شواہد کا درست انداز میں جائزہ نہیں لیا۔ اپیل میں استدعا کی گئی ہے کہ شاہ محمود قریشی کی بریت کو کالعدم قرار دیا جائے۔ واضح رہے کہ انسدادِ دہشت گردی کی عدالت نے اگست 2025 میں شاہ محمود قریشی کو 9 مئی کے مقدمات سے بری کردیا تھا۔
تازہ ترین خبروں کے لیے پی این آئی کا فیس بک پیج فالو کریں
