حکومت نے وفاقی دارالحکومت اسلام آباد اور راولپنڈی کے درمیان جدید اور تیز رفتار ٹرین چلانے کا فیصلہ کر لیا ہے۔
جیو نیوز کے مطابق یہ فیصلہ وزیرداخلہ محسن نقوی اور وزیرریلویز حنیف عباسی کی زیر صدارت اجلاس میں ہوا، جس میں مارگلہ اسٹیشن اسلام آباد سے راولپنڈی صدر اسٹیشن تک ریل منصوبے کو جلد مکمل کرنے پر اتفاق کیا گیا۔ اعلامیے کے مطابق منصوبے کا فریم ورک ایگریمنٹ آئندہ ہفتے حتمی شکل پا کر دستخط ہوگا۔ اس منصوبے کے تحت دونوں شہروں کے درمیان سفر صرف 20 منٹ میں طے ہوگا، جس سے وقت، ایندھن کی بچت اور ٹریفک دباؤ میں نمایاں کمی آئے گی۔
اجلاس میں طے پایا کہ وزارت ریلوے ٹریک فراہم کرے گی جبکہ سی ڈی اے ریل سروس کا انتظام سنبھالے گی۔ جدید ٹرینیں بیرون ملک سے درآمد کی جائیں گی تاکہ شہریوں کو معیاری اور آرام دہ سفر کی سہولت فراہم کی جا سکے۔ وزیر ریلوے حنیف عباسی نے کہا کہ یہ منصوبہ عوامی فلاح کا سنگ میل ثابت ہوگا، جبکہ وزیر داخلہ محسن نقوی نے کہا کہ یہ وزیراعظم کے عوامی ریلیف وژن کا عکاس ہے۔
تازہ ترین خبروں کے لیے پی این آئی کا فیس بک پیج فالو کریں
