اسلام آباد ہائی کورٹ نے ڈاکٹر عافیہ صدیقی کیس کی سماعت کے لیے 4 رکنی لارجر بینچ تشکیل دے دیا ہے، جو 10 ستمبر کو کیس کی سماعت کرے گا۔
بینچ کی سربراہی جسٹس ارباب محمد طاہر کریں گے، جبکہ جسٹس خادم سومرو، جسٹس اعظم خان اور جسٹس انعام امین منہاس بھی بینچ کا حصہ ہوں گے۔ یہ کیس پہلے جسٹس سردار اعجاز اسحاق کی عدالت میں زیرِ سماعت تھا، جنہوں نے وزیراعظم اور کابینہ کو توہینِ عدالت کے نوٹس جاری کیے تھے۔ بعد ازاں کیس کو ٹیکس کیسز سننے والے اسپیشل ڈویژن بینچ میں مصروفیت کے باعث ان کی عدالت سے ہٹا کر جسٹس انعام امین منہاس کی عدالت منتقل کیا گیا۔ جسٹس انعام نے لارجر بینچ کی تشکیل کے لیے فائل چیف جسٹس کو ارسال کی تھی، جس کے بعد اب نیا بینچ تشکیل پایا ہے۔
تازہ ترین خبروں کے لیے پی این آئی کا فیس بک پیج فالو کریں
