چیئرمین تحریک انصاف بیرسٹر گوہر نے پارٹی کے بانی کے احکامات کے بعد قومی اسمبلی کی تمام قائمہ کمیٹیوں سے استعفیٰ دے دیا ہے۔ ان کا کہنا تھا کہ “بات یہاں تک آ گئی ہے، اب دیکھتے ہیں آگے کیا کرنا ہے”، اور یہ بھی کہا کہ وہ سسٹم کا حصہ رہنے کی بھرپور کوشش کرتے رہے۔
بیرسٹر گوہر کے ساتھ پی ٹی آئی کے مزید 17 ارکان نے بھی قائمہ کمیٹیوں سے استعفیٰ دے دیا ہے، جن میں شہریار آفریدی، عامر ڈوگر، جنید اکبر، علی خان جدون، فضل محمد خان، مجاہد علی، ساجد خان، شبیر قریشی، اور دیگر شامل ہیں۔ گوہر علی نے استعفے اسپیکر قومی اسمبلی کو جمع کرا دیے ہیں۔
بیرسٹر گوہر کا کہنا تھا کہ اسمبلی میں 91 نشستوں کے ساتھ موجود ہیں اور بانی تحریک انصاف نے انہیں کہا ہے کہ آگے بات چیت کی کوشش کریں، مگر “کہیں کوئی مذاکرات نہیں ہو رہے”۔ انہوں نے کہا کہ اب فیصلہ کرنا ہے کہ آگے کس سمت جانا ہے۔
تازہ ترین خبروں کے لیے پی این آئی کا فیس بک پیج فالو کریں
