اسلام آباد: پاکستان نے غزہ کے علاقے خان یونس کے النصر اسپتال پر اسرائیلی فضائی حملے کی شدید الفاظ میں مذمت کی ہے۔
ترجمان دفتر خارجہ کے مطابق حملے میں 21 افراد شہید ہوئے جن میں 5 صحافی اور ایک ریسکیو ورکر شامل ہیں۔ بیان میں کہا گیا کہ اسپتال پر بمباری انسانیت سوز اور سنگین جرم ہے، عالمی برادری کو اسرائیلی ریاست کو ان جرائم پر جوابدہ ٹھہرانا ہوگا۔ دفتر خارجہ کی جانب سے اسرائیل کے شام پر فضائی حملے کی بھی مذمت کی گئی اور کہا گیا کہ پاکستان شام کی خودمختاری، آزادی اور علاقائی سالمیت کی مکمل حمایت کرتا ہے۔ ترجمان نے عالمی برادری سے مطالبہ کیا کہ اسرائیل کو خطے کے امن و استحکام کو نقصان پہنچانے والے اقدامات سے روکا جائے۔
تازہ ترین خبروں کے لیے پی این آئی کا فیس بک پیج فالو کریں
