بھارتی ہائی کمیشن سے موصولہ اطلاعات کی بنیاد پر انڈس واٹر کمشنر نے نیا فلڈ الرٹ جاری کیا ہے۔
اطلاع کے مطابق دریائے ستلج میں ہیڈ ہریکے زیریں اور فیروزپور زیریں کے مقامات پر اونچے درجے کا سیلاب متوقع ہے۔ اسی طرح دریائے راوی میں مادھوپور زیریں اور دریائے چناب میں اکھنور کے مقامات پر بھی اونچے درجے کے سیلاب کا خدشہ ظاہر کیا گیا ہے۔ بھارت نے دریائے راوی میں دو لاکھ کیوسک پانی چھوڑ دیا ہے، جبکہ مسلسل بارشوں کے باعث دریائے راوی، چناب اور ستلج میں طغیانی دیکھنے میں آ رہی ہے۔
فلڈ فورکاسٹنگ ڈویژن لاہور کے مطابق دریائے چناب میں ہیڈ مرالہ پر پانی کی آمد 6 لاکھ 96 ہزار 534 کیوسک ریکارڈ کی گئی، جو انتہائی اونچے درجے کے سیلاب کے برابر ہے۔ اسی طرح دریائے ستلج میں گنڈا سنگھ والا کے مقام پر پانی کا بہاؤ 2 لاکھ 45 ہزار 236 کیوسک ریکارڈ کیا گیا ہے، جو آئندہ 12 گھنٹوں میں بڑھ کر 2 لاکھ 80 ہزار کیوسک تک پہنچنے کا امکان ہے۔
تازہ ترین خبروں کے لیے پی این آئی کا فیس بک پیج فالو کریں
