بھارت کے ریاست پنجاب میں ایک مسافر وین اور ایل پی جی ٹینکر کے درمیان تصادم کے نتیجے میں سات افراد جان کی بازی ہار گئے۔
بھارتی میڈیا کے مطابق یہ حادثہ ہوشیار پور کے علاقے میں جالندھر روڈ پر منڈیالہ اڈہ کے قریب پیش آیا۔ واقعے کے وقت ایل پی جی ٹینکر سڑک پر مڑنے کی کوشش کر رہا تھا کہ اسی دوران مسافر وین آکر ٹکرا گئی۔
پولیس کے مطابق تصادم کے بعد گاڑیوں میں آگ بھڑک اٹھی۔ واقعے کی اطلاع ملنے پر ریسکیو ٹیم اور فائر بریگیڈ موقع پر پہنچ گئے۔ جھلس کر زخمی ہونے والوں کو فوری طور پر ہسپتال منتقل کیا گیا، جہاں زخموں کی تاب نہ لاتے ہوئے سات افراد جاں بحق ہو گئے۔ پولیس نے حادثے کی تحقیقات شروع کر دی ہیں۔
تازہ ترین خبروں کے لیے پی این آئی کا فیس بک پیج فالو کریں
