ذرائع کے مطابق پاکستان تحریک انصاف کے بانی عمران خان کے بھانجوں اور علیمہ خان کے بیٹوں کو ٹھوس شواہد کی بنیاد پر گرفتار کرلیا گیا ہے۔
تفصیلات کے مطابق 9 مئی 2023 کو جناح ہاؤس حملے اور شرانگیزی میں ملوث دو مفرور ملزمان شیر شاہ خان اور شاہ ریز خان کو قانون نافذ کرنے والے اداروں نے حراست میں لیا۔ ذرائع کا کہنا ہے کہ شیر شاہ جناح ہاؤس حملے کے وقت حسان نیازی کے ساتھ موجود تھا اور اس کے خلاف اس روز جلاؤ گھیراؤ، توڑ پھوڑ اور پولیس وین کو آگ لگانے کے الزامات پر مقدمہ درج ہے۔ پولیس کے پاس جائے وقوعہ پر اس کی موجودگی کے ویڈیو شواہد بھی موجود ہیں۔
مزید بتایا گیا کہ شیر شاہ شرانگیزی کے بعد پہلے روپوش اور بعد ازاں لندن فرار ہوگیا تھا جہاں وہ دو سال تک چھپا رہا، تاہم 22 اگست 2025 کو وطن واپسی پر پولیس نے اسے گرفتار کرلیا۔ ملزم پر ریاست کے خلاف ڈیجیٹل مہم چلانے کا بھی الزام ہے۔دوسری جانب ملزم شاہ ریز کا نام ستمبر 2023 کی ضمنی رپورٹ میں شامل تھا۔ شواہد سامنے آنے پر 21 اگست 2025 کو اس کی گرفتاری عمل میں آئی، جس کے بعد 22 اگست کو عدالت میں پیش کیا گیا۔
تازہ ترین خبروں کے لیے پی این آئی کا فیس بک پیج فالو کریں
