بنگلادیش نے 1971ء کے بعد پہلی بار پاکستانی حکام کے لیے ویزا کی شرط 5 سال کے لیے ختم کرنے کا فیصلہ کیا ہے۔
غیر ملکی میڈیا کے مطابق اب پاکستان اور بنگلادیش کے سفارتی اور سرکاری پاسپورٹ رکھنے والے افراد کو دونوں ملکوں کے درمیان سفر کے لیے ویزا درکار نہیں ہوگا۔ نوبیل انعام یافتہ محمد یونس کی سربراہی میں بنگلادیش کی عبوری حکومت نے باہمی ویزا استثنیٰ کے اس معاہدے کی منظوری دے دی ہے۔
پریس سیکریٹری شفیق الاسلام نے ڈھاکا میں نیوز کانفرنس کے دوران بتایا کہ بنگلادیش کے 31 دیگر ممالک کے ساتھ بھی اسی طرح کے معاہدے موجود ہیں، اور اس فیصلے کے تحت پاکستانی حکام کو بھی بغیر ویزا بنگلادیش میں داخلے کی اجازت حاصل ہوگی۔
تازہ ترین خبروں کے لیے پی این آئی کا فیس بک پیج فالو کریں
