فیلڈ مارشل سید عاصم منیر سے چینی وزیر خارجہ وانگ ژی نے ملاقات کی۔
انٹر سروسز پبلک ریلیشنز (آئی ایس پی آر) کے مطابق ملاقات میں خطے میں امن، استحکام اور خوشحالی کے فروغ کے عزم کا اعادہ کیا گیا۔ اس موقع پر فیلڈ مارشل عاصم منیر نے چین کی مستقل حمایت پر شکریہ ادا کیا۔ دونوں رہنماؤں نے خطے میں امن و خوشحالی کو آگے بڑھانے کے مشترکہ عزم کا اظہار کیا جبکہ چینی وزیر خارجہ نے پاکستان کی ترقی اور خودمختاری کیلئے تعاون جاری رکھنے کا عزم دہرایا۔
آئی ایس پی آر کے مطابق ملاقات میں علاقائی و عالمی فورمز پر رابطہ کاری بڑھانے پر بھی اتفاق کیا گیا۔ اس کے علاوہ علاقائی سلامتی، دہشت گردی کے خلاف اقدامات اور باہمی دلچسپی کے امور پر بھی تفصیلی گفتگو کی گئی۔
تازہ ترین خبروں کے لیے پی این آئی کا فیس بک پیج فالو کریں
