ڈسٹرکٹ اینڈ سیشن عدالت اسلام آباد نے نومئی واقعے کے مقدمات میں گرفتار پاکستان تحریک انصاف (پی ٹی آئی) کے 63 کارکنوں کی ضمانت بعد از گرفتاری منظور کرتے ہوئے انہیں رہا کرنے کا حکم دے دیا۔
جوڈیشل مجسٹریٹ مرید عباس نے محفوظ فیصلہ سناتے ہوئے تمام درخواستوں کو منظور کر لیا۔
عدالتی فیصلے کے مطابق:
- 40 کارکنان کی ضمانتیں تھانہ مارگلہ کے مقدمے میں منظور کی گئیں
- 23 کارکنان کی ضمانتیں تھانہ انڈسٹریل ایریا کے مقدمے میں منظور ہوئیں
ان تمام کارکنان پر اقدامِ قتل، ڈکیتی اور دیگر سنگین نوعیت کی دفعات کے تحت مقدمات درج تھے۔
عدالت کے فیصلے کے بعد متعلقہ جیل حکام کو رہا کرنے کے احکامات جاری کر دیے گئے ہیں۔ پی ٹی آئی کی قانونی ٹیم نے عدالت کے فیصلے کو انصاف کی فتح قرار دیا ہے، جبکہ حکومت کی جانب سے تاحال کوئی ردعمل سامنے نہیں آیا۔
تازہ ترین خبروں کے لیے پی این آئی کا فیس بک پیج فالو کریں
