الیکشن کمیشن نے فیصل آباد سے پی ٹی آئی ارکان کی نااہلی کے بعد خالی ہونے والی قومی اور صوبائی اسمبلی کی نشستوں پر ضمنی انتخاب کا شیڈول جاری کر دیا۔
جاری کردہ شیڈول کے مطابق این اے 96، این اے 104 اور پی پی 98 فیصل آباد میں ضمنی انتخاب 5 اکتوبر کو منعقد ہوگا۔ کاغذات نامزدگی 28 سے 30 اگست تک جمع ہوں گے جبکہ ان کی جانچ پڑتال 3 ستمبر تک مکمل کی جائے گی۔ کاغذات نامزدگی کے فیصلوں کے خلاف اپیلیں 12 ستمبر تک نمٹائی جائیں گی اور امیدواروں کو انتخابی نشانات 16 ستمبر کو الاٹ کیے جائیں گے۔
یاد رہے کہ انسداد دہشت گردی عدالت نے 9 مئی کے مقدمات میں رائے حیدر علی خان، صاحبزادہ حامد رضا اور جنید افضل ساہی کو سزائیں سنائی تھیں جس کے نتیجے میں یہ نشستیں خالی ہوئی تھیں۔
تازہ ترین خبروں کے لیے پی این آئی کا فیس بک پیج فالو کریں
