پاکستان تحریک انصاف (پی ٹی آئی) کی مرکزی قیادت نے بانی پی ٹی آئی کا پیغام محمود خان اچکزئی کو پہنچا دیا ہے۔
اپوزیشن ذرائع کے مطابق، پی ٹی آئی قیادت نے انہیں بانی پی ٹی آئی کے اپوزیشن لیڈر سے متعلق فیصلے سے آگاہ کیا۔ پی ٹی آئی رہنما علی محمد خان کا کہنا ہے کہ اپوزیشن لیڈر کے حوالے سے بانی پی ٹی آئی کا فیصلہ حتمی ہے۔ ان کا کہنا تھا کہ پہلی ترجیح یہ ہے کہ عمر ایوب اور شبلی فراز کو عدالت سے ملنے والے ریلیف سے فائدہ اٹھایا جائے، تاہم اگر وہ واپس نہیں آتے تو ان کی جگہ نئے افراد نامزد کیے جائیں گے۔
یاد رہے کہ گزشتہ روز بانی پی ٹی آئی نے محمود خان اچکزئی کو قومی اسمبلی میں اپوزیشن لیڈر کے لیے نامزد کیا تھا، جب کہ سینیٹ میں اپوزیشن لیڈر کے لیے اعظم سواتی کا نام تجویز کیا گیا ہے۔ پارٹی ذرائع کے مطابق، بانی پی ٹی آئی نے اڈیالہ جیل میں ملاقات کرنے والے رہنماؤں کو بھی اپوزیشن لیڈرز سے متعلق فیصلوں سے آگاہ کیا تھا۔
تازہ ترین خبروں کے لیے پی این آئی کا فیس بک پیج فالو کریں
