معرکۂ حق میں بھارت کی شکست: صدرِ پاکستان کی جانب سے سول و عسکری شخصیات کو اعلیٰ اعزازات

ایوانِ صدر میں ایک پروقار تقریب کے دوران صدرِ مملکت آصف علی زرداری نے معرکۂ حق میں نمایاں کردار ادا کرنے والی شخصیات کو اعلیٰ سول و عسکری اعزازات سے نوازا۔

صدر مملکت نے پاک فوج کو فرنٹ سے لیڈ کرنے اور بہترین جنگی حکمت عملی ترتیب دینے پر فیلڈ مارشل اور آرمی چیف جنرل عاصم منیر کو ہلالِ جرات سے نوازا، جبکہ ائیر چیف مارشل ظہیر احمد بابر سدھو کو ہلالِ امتیاز دیا گیا۔ اسی موقع پر چیئرمین جوائنٹ چیفس آف اسٹاف کمیٹی جنرل ساحر شمشاد مرزا اور نیول چیف ایڈمرل نوید اشرف کو نشانِ امتیاز سے نوازا گیا۔

وفاقی وزرا میں وزیر خارجہ اسحاق ڈار، وزیر قانون اعظم نذیر تارڑ، وزیر دفاع خواجہ آصف اور وزیراعظم کے مشیر رانا ثنا اللہ کو نشانِ امتیاز دیا گیا۔ اسی طرح وزیر اطلاعات عطا اللہ تارڑ، وزیر داخلہ محسن نقوی، احسن اقبال، شیری رحمان، فیصل سبزواری، مصدق ملک اور حنا ربانی کھر کو بھی اعلیٰ سول اعزازات سے نوازا گیا۔ یہ اعزازات بھارت کے خلاف معرکۂ حق میں پاکستان کی شاندار فتح کی یادگار کے طور پر دیے گئے۔