پشاور ہائیکورٹ نے سینیٹ اور قومی اسمبلی میں نئے اپوزیشن لیڈر کی تقرری عارضی طور پر روک دی۔
جسٹس ارشد علی اور جسٹس خورشید اقبال پر مشتمل دو رکنی بینچ نے یہ حکم عمر ایوب اور شبلی فراز کو الیکشن کمیشن کی جانب سے ڈی نوٹیفائی کرنے کے خلاف دائر درخواست پر سماعت کے دوران جاری کیا۔
عدالت نے اسپیکر قومی اسمبلی اور چیئرمین سینیٹ کو ہدایت دی کہ دونوں ایوانوں میں نئے اپوزیشن لیڈر کی تعیناتی نہ کی جائے، جبکہ الیکشن کمیشن کو بھی دونوں رہنماؤں کے خلاف مزید کارروائی سے روک دیا گیا۔ کیس کی مزید سماعت 15 اگست تک ملتوی کر دی گئی۔
یاد رہے کہ حال ہی میں انسداد دہشتگردی عدالت نے 9 مئی کے مقدمات میں عمر ایوب اور شبلی فراز کو سزا سنائی تھی، جس کے بعد الیکشن کمیشن نے دونوں کو نااہل قرار دے دیا تھا اور پی ٹی آئی اپوزیشن لیڈر کی نشستوں سے محروم ہو گئی تھی۔
تازہ ترین خبروں کے لیے پی این آئی کا فیس بک پیج فالو کریں
