اسلام آباد: وزیراعظم کے مشیر رانا ثنااللہ نے پاکستان تحریک انصاف (پی ٹی آئی) سے یوم آزادی کے دن احتجاج کی کال واپس لینے کی اپیل کی ہے۔
جیونیوز کے پروگرام “نیا پاکستان” میں گفتگو کرتے ہوئے رانا ثنااللہ نے کہا کہ 14 اگست کا دن معرکۂ حق کی کامیابی کے طور پر منایا جا رہا ہے، اس لیے پی ٹی آئی کو چاہیے کہ اپنا احتجاج ایک دن پہلے یا بعد میں کرے۔ انہوں نے مزید کہا کہ نواز شریف ایکسٹینشن کے مخالف ہیں، 27ویں آئینی ترمیم اس وقت زیر غور نہیں ہے تاہم ترمیم کرنا پارلیمنٹ کا اختیار ہے۔
واضح رہے کہ 6 اگست کو پی ٹی آئی کے بانی اور سابق وزیراعظم عمران خان کے ایکس (سابق ٹوئٹر) اکاؤنٹ سے پیغام جاری ہوا تھا جس میں پارٹی کو ہدایت دی گئی تھی کہ وہ ملک میں جاری فاشزم کے خلاف بھرپور قوت سے سڑکوں پر نکلے۔ یہ پیغام 5 اگست کو پی ٹی آئی کے ناکام احتجاج کے بعد سامنے آیا تھا۔
تازہ ترین خبروں کے لیے پی این آئی کا فیس بک پیج فالو کریں
