وزیر اعظم شہباز شریف نے اسرائیلی کابینہ کے غزہ پر ناجائز کنٹرول کے منصوبے کے فیصلے کو شدید تنقید کا نشانہ بنایا ہے۔
ایک بیان میں وزیر اعظم نے کہا کہ یہ منصوبہ فلسطینیوں کے خلاف جاری جنگ میں خطرناک اضافہ ہے اور غزہ میں فوجی کارروائیوں کی توسیع پہلے سے جاری انسانی بحران کو مزید سنگین بنا دے گی۔ ان کا کہنا تھا کہ یہ فیصلہ خطے میں امن کے کسی بھی امکان کو ختم کر دے گا، اور ہمیں اس المیے کی اصل وجوہات کو نظر انداز نہیں کرنا چاہیے۔ دوسری جانب غزہ کی صورتحال پر اقوام متحدہ کی سلامتی کونسل کا ہنگامی اجلاس آج طلب کیا گیا ہے۔
عرب میڈیا کے مطابق، امریکا کے سوا سلامتی کونسل کے 15 میں سے 14 رکن ممالک نے اجلاس بلانے کی حمایت کی، جبکہ امریکا نے اس کی مخالفت کی۔
تازہ ترین خبروں کے لیے پی این آئی کا فیس بک پیج فالو کریں
