وفاقی وزیر اطلاعات عطا اللہ تارڑ نے کہا ہے کہ آپریشن بنیان مرصوص کے حوالے سے پارلیمنٹ کا کردار قابلِ تعریف ہے اور تاریخ میں لکھا جائے گا کہ تمام سیاسی جماعتوں نے متحد ہو کر مثبت پیغام دیا۔
قومی اسمبلی کے اجلاس میں اظہارِ خیال کرتے ہوئے انہوں نے کہا کہ ایوان سے دشمن کو واضح پیغام گیا ہے کہ پاکستان کی پارلیمنٹ اپنی مسلح افواج کے شانہ بشانہ کھڑی ہے، جبکہ اپوزیشن اور حکومت دونوں نے پاکستان کا مؤثر بیانیہ پیش کیا۔ عطا اللہ تارڑ نے بلاول بھٹو زرداری کی عالمی میڈیا پر پاکستان کی نمائندگی کو سراہتے ہوئے کہا کہ یہ ان کا فرض ہے کہ ان کی کوششوں کو تسلیم کریں۔
انہوں نے مزید بتایا کہ وزارتِ اطلاعات نے مس انفارمیشن کے خلاف “فیکٹ چیکر” کے نام سے اکاؤنٹ قائم کیا اور رولز میں ترمیم کر کے پاکستان کا پہلا ڈیجیٹل کمیونیکیشن ڈپارٹمنٹ بنایا، جہاں جدید سافٹ ویئر کے ذریعے جعلی مواد کی نشاندہی کی جاتی ہے۔ اس عمل کو مزید مؤثر بنانے کے لیے قومی اتحاد ضروری ہے۔
تازہ ترین خبروں کے لیے پی این آئی کا فیس بک پیج فالو کریں
