اسلام آباد: وفاقی حکومت نے ملک کے 24 سرکاری اداروں کی نجکاری تین مراحل میں کرنے کا حتمی فیصلہ کر لیا ہے۔
وفاقی وزیر برائے نجکاری عبدالعلیم خان نے اس فیصلے کی تفصیلات قومی اسمبلی میں پیش کیں۔ ان کے مطابق پہلے مرحلے میں ایک سال کے اندر 10 اداروں کی نجکاری کی جائے گی، دوسرے مرحلے میں ایک سے تین سال کے دوران 13 اداروں کو فروخت کیا جائے گا، جبکہ تیسرے اور آخری مرحلے میں ایک ادارے کی نجکاری کا عمل تین سے پانچ سال میں مکمل کیا جائے گا۔
پہلے مرحلے میں جن اداروں کی نجکاری کی جائے گی ان میں قومی ائیر لائن، روزویلٹ ہوٹل، زرعی ترقیاتی بینک، آئیسکو اور تین دیگر ڈسکوز شامل ہیں۔ دوسرے مرحلے میں یوٹیلیٹی اسٹورز کارپوریشن، چار جنکوز اور لیسکو سمیت چھ ڈسکوز کی نجکاری کی جائے گی۔
تازہ ترین خبروں کے لیے پی این آئی کا فیس بک پیج فالو کریں
