کراچی سے اسلام آباد جانے والی پرواز کو موسم کی خرابی کے باعث فیصل آباد اتار لیا گیا۔ اسلام آباد ایئرپورٹ پر خراب موسم کے باعث 21 پروازوں کی آمد و روانگی میں تاخیر ہوئی جبکہ ریاض، ابوظبی، مسقط، باکو اور دوحہ سے آنے والی پروازوں کو لینڈنگ میں مشکلات پیش آئیں۔
فلائٹ شیڈول کے مطابق اسلام آباد سے روانہ ہونے والی غیر ملکی پروازیں 1 سے 2 گھنٹے تاخیر کا شکار ہوئیں۔ کراچی سے لاہور جانے والی پرواز ساڑھے 4 گھنٹے تاخیر سے دن ساڑھے 12 بجے روانہ ہو گی، جبکہ ایک نجی ایئر لائن کی کراچی سے اسلام آباد کی پرواز بھی 2 گھنٹے تاخیر کا شکار ہوئی۔ کوالالمپور سے لاہور آنے والی غیر ملکی ایئرلائن کی دو پروازیں منسوخ کر دی گئیں، جبکہ لاہور ایئرپورٹ پر بھی 7 پروازیں 1 سے ساڑھے 9 گھنٹے تاخیر کا شکار ہوئیں۔
تازہ ترین خبروں کے لیے پی این آئی کا فیس بک پیج فالو کریں
