ملک بھر میں 79 واں یومِ آزادی 14 اگست بروز جمعرات کو بھرپور جوش و خروش سے منانے کے لیے تیاریاں جاری ہیں، اور اس موقع پر عام تعطیل کا اعلان بھی کر دیا گیا ہے۔
تفصیلات کے مطابق جشنِ آزادی کی تقریبات، سجاوٹ، ریلیوں اور پرچم کشائی کی سرگرمیوں کا آغاز ہو چکا ہے، جبکہ یکم سے 14 اگست تک جاری رہنے والی سرگرمیوں کو پہلے ہی حتمی شکل دی جا چکی ہے۔
مرکزی تقریب 14 اگست کو لاہور کے حضوری باغ میں منعقد ہوگی، جہاں وزیر اعلیٰ قومی پرچم لہرائیں گی۔ اس کے علاوہ مریم نواز اسی روز ایکسپو سینٹر لاہور میں ’معرکہ حق پارک‘ کی نقاب کشائی کریں گی۔ اس موقع پر معرکہ حق میوزیم اور یادگار معرکہ حق کا افتتاح بھی کیا جائے گا۔ ان تقریبات میں عوام کے تمام طبقات کی بھرپور شرکت متوقع ہے۔
ویلفیئر ونگ کی جانب سے جاری کردہ نوٹیفکیشن کے تحت 14 اگست بروز جمعرات کو تمام سرکاری دفاتر، سول سیکرٹریٹ اور دیگر ادارے بند رہیں گے۔ نوٹیفکیشن تمام متعلقہ محکموں کو ارسال کر دیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
