کوئٹہ: بلوچستان نیشنل پارٹی کے سربراہ سردار اختر مینگل کو بیرون ملک سفر سے روک دیا گیا۔
ایف آئی اے حکام کے مطابق اختر مینگل دبئی جانے والی نجی ایئر لائن کی پرواز پر سوار تھے، تاہم ان کا نام پرویژنل نیشنل آئیڈنٹیفکیشن لسٹ (PNIL) میں شامل ہونے کے باعث انہیں آف لوڈ کر دیا گیا۔
اس معاملے پر سردار اختر مینگل نے کہا کہ وہ دبئی جا رہے تھے جب امیگریشن عملے نے انہیں اطلاع دی کہ ان کا نام PNIL میں شامل ہے، جس کے باعث انہیں سفر کی اجازت نہیں دی جا سکتی۔
سابق وفاقی وزراء آغا حسن بلوچ اور غلام نبی مری نے اختر مینگل کو سفر سے روکنے کی مذمت کرتے ہوئے اسے غیر قانونی اور آئین کے خلاف قرار دیا۔ انہوں نے کہا کہ سردار اختر مینگل تاحال قومی اسمبلی کے رکن ہیں اور ان کا استعفیٰ بھی ابھی تک منظور نہیں ہوا، اس لیے انہیں بیرون ملک جانے سے روکنے کا کوئی آئینی جواز نہیں ہے۔
تازہ ترین خبروں کے لیے پی این آئی کا فیس بک پیج فالو کریں
