ایف بی آر کے نئے ٹیکس قوانین کے خلاف ملک بھر میں تاجروں کی ہڑتال جاری ہے، جس کے باعث مختلف شہروں میں کاروباری سرگرمیاں معطل ہو گئی ہیں۔
کراچی میں بولٹن مارکیٹ، الیکٹرانکس مارکیٹ اور دیگر چھوٹی بڑی مارکیٹیں بند ہیں۔ حیدرآباد میں کلاتھ مارکیٹ، اناج منڈی، لوہا مارکیٹ، شاہی بازار، الیکٹرانکس اور موبائل مارکیٹس بھی مکمل طور پر بند ہیں۔ لاہور میں چیمبر آف کامرس کی اپیل پر تاجر برادری نے ہڑتال کرتے ہوئے مال روڈ اور ملحقہ تمام مارکیٹیں بند کر دیں۔ بادامی باغ آٹو پارٹس مارکیٹ، لوہا مارکیٹ اور صدر ریڈی میڈ گارمنٹس ایسوسی ایشن نے بھی مکمل شٹرڈاؤن ہڑتال کا اعلان کیا ہے۔
تازہ ترین خبروں کے لیے پی این آئی کا فیس بک پیج فالو کریں
