اسلام آباد: سپریم کورٹ آف پاکستان نے آئندہ ہفتے کے مقدمات کی سماعت کے لیے ججز روسٹر اور کاز لسٹ جاری کر دی ہے۔ جاری شدہ شیڈول کے مطابق ملک بھر میں چار بینچز تشکیل دیے گئے ہیں، جن میں دو اسلام آباد اور دو کوئٹہ رجسٹری میں مقدمات کی سماعت کریں گے۔
تفصیلات کے مطابق، چیف جسٹس آف پاکستان جسٹس قاضی فائز عیسیٰ آئندہ ہفتے کوئٹہ رجسٹری میں مقدمات کی سماعت کریں گے۔ وہاں تشکیل دیے گئے بینچ ون میں چیف جسٹس کے ہمراہ جسٹس شکیل احمد شامل ہوں گے، جب کہ بینچ ٹو میں جسٹس جمال خان مندوخیل اور جسٹس مسرت ہلالی فرائض انجام دیں گے۔
اسلام آباد میں پرنسپل سیٹ پر بھی دو بینچز مقدمات کی سماعت کریں گے۔ پہلے بینچ میں جسٹس منصور علی شاہ، جسٹس منیب اختر اور جسٹس عائشہ ملک شامل ہوں گے، جبکہ دوسرے بینچ میں جسٹس سردار طارق اور جسٹس مظہر عالم میاں خیل شامل ہیں۔
سپریم کورٹ کی جانب سے جاری کردہ اس کاز لسٹ میں آئندہ ہفتے زیر سماعت مقدمات کی تفصیلات بھی شامل کی گئی ہیں۔
تازہ ترین خبروں کے لیے پی این آئی کا فیس بک پیج فالو کریں
