وزیرخزانہ محمد اورنگزیب نے اعلان کیا ہے کہ موجودہ مالی سال میں آبی وسائل ڈویژن کے لیے کل 133ارب روپے مختص کیے گئے ہیں، یہ اعلان انہوں نے بجٹ تقریر کے دوران کیا۔
وزیرخزانہ نے بتایاکہ پاک بھارت جنگ کے بعد بھارت نے پاکستان کے پانی کو روکنے کی دھمکی دہے اور پانی کو بطور ہتھیار استعمال کرنے کی کوشش کرررہاہے ، بھارت کے ناپاک عزائم کابھرپور توڑ کیاجائے گالیکن ساتھ ساتھ ضروری ہے کہ ہم اپنے پانی کے ذخائر میں بھی جنگی بنیادوںپر اضافہ کریں اور حکومت بھی اپنے محدود وسائل کے باوجود پانی کے ذخائر کے منصوبوں پر عمل درآمد یقینی بنائے گی ۔
انہوں نے مختص کی گئی رقم کی تفصیلات شیئرکرتے ہوئے بتایا کہ 34ارب روپے جاری آبی منصوبوں میں مزید سرمایہ کاری کے لیے 102ارب روپے رکھے گئے جن میں سے 95ارب روپے 15اہم منصوبوں کے لیے مختص کیے گئے ہیں جو پانی ذخیرہ کرنے ، سیلاب سے تحفظ ، انڈس بیسن پر ٹیلی میٹری سسٹم اور پانی کے تحفظ سے متعلق ہیں۔
انہوں نے مزید بتایاکہ دیامیر بھاشاڈیم کے لیے 32.7ارب رپوے ، مہمند ڈیم کے لیے 35.7 ارب روپے ، کراچی بلک واٹرسپلائی منصوبے کے لیے 3.2ارب روپے، کلری باغار فیڈر کینال کی لائننگ کے لیے 10ارب روپے ، پٹ فیڈر کینال کے لیے 1.8ارب روپے اور کچھی کینال فلڈ ڈیمج پراجیکٹ کے لیے 69ارب روپے مختص کیے گئے ہیں، آواران ، پنجگور، گروپ اور گیشور ڈیمز کے لیے 5ارب روپے کی تجویز ہے ۔
تازہ ترین خبروں کے لیے پی این آئی کا فیس بک پیج فالو کریں
