محکمہ موسمیات کا کہنا ہے کہ کراچی میں گرمی کی شدت برقرار ہے، شہر کا موسم آج بھی گرم اور مرطوب رہنے کا امکان ہے۔
محکمہ موسمیات کا کہنا ہے کہ کراچی میں درجہ حرارت 34 سے 36 ڈگری سینٹی گریڈ کے درمیان رہے گا، مغربی سمت سے18 کلومیٹر فی گھنٹہ کی رفتار سے ہوائیں چل رہی ہیں۔ ہوامیں نمی کا تناسب 72 فیصد ہے۔
جبکہ اسلام آباد اورگردونواح آج شام تیز ہواؤں کیساتھ بارش کا امکان ہے، ملک کے میدانی علاقوں میں آ ج موسم شدید گرم اور خشک رہے گا۔
بالائی خیبرپختونخوا، شمالی پنجاب کے چند علاقوں میں بارش متوقع ہے، گلگت بلتستان اور کشمیر میں بھی چند مقامات پر بارش کا امکان ہے۔
ملتان، بہاولپور، ڈی جی خان اور بہاولنگر میں آندھی اورجھکڑ چلنے کی توقع ہے، جبکہ سندھ اور بلوچستان کے بیشترمیدانی علاقوں میں گرد آلود ہواؤں کا امکان ہے۔
واضح رہے کہ موسم گرما اپنی آب و تاب سے جاری ہے اس موسم میں صحتمند رہنے کیلئے 6 سبزیوں کو اپنی غذا میں ضرور شامل کریں۔
تازہ ترین خبروں کے لیے پی این آئی کا فیس بک پیج فالو کریں
