ملک کے 3 بڑے ایئرپورٹس عارضی طور پر بند کردیئے گئے۔
ایئرپورٹ اتھارٹی کی جانب سے جاری نوٹم میں کہا گیا ہے کہ کراچی، لاہور اور سیالکوٹ ایئرپورٹس پر فلائٹ آپریشن معطل رہے گا۔ایئرپورٹ اتھارٹی کے مطابق آپریشنل وجوہات کی بنا پر تینوں شہروں کی ایئرسپیس بند کی گئیں، مسافرتازہ ترین صورتحال کےلیے متعلقہ ایئرلائنز سے رابطے کریں۔
اسلام آباد ایئرپورٹ پر آمد و روانگی ایئرٹریفک کنٹرول کی پیشگی منظوری سے مشروط کردی گئی، پروازوں کی روانگی سے قبل اسلام آباد ایئر ٹریفک کنٹرول سے رابطہ ضروری ہے۔لاہور کے لیے آنے والی پروازوں کا رخ اسلام آباد ایئرپورٹ کی جانب موڑ دیا گیا، مسقط سے لاہور آنے پرواز پی کے 230 اسلام آباد ائیرپورٹ پر اتار لی گئی۔ نجی ائیرلائن کی ریاض سے لاہور آنے والی پرواز بھی اسلام آباد اتار لی گئی۔
تازہ ترین خبروں کے لیے پی این آئی کا فیس بک پیج فالو کریں
