انسٹا گرام پر ایک کروڑ فالوورز، کس پاکستانی سیاستدان نے ریکارڈ قائم کر دیا؟۔۔۔۔۔۔۔۔۔۔۔۔۔۔۔ بانیٔ پاکستان تحریکِ انصاف عمران خان کے انسٹاگرام پر فارلوورز کی تعداد ایک کروڑ ہوگئی ہے، وہ اس پلیٹ فارم پر سب سے زیادہ فالو کیے جانے والے سیاستدان ہیں۔
راولپنڈی کی اڈیالہ جیل میں قید عمران خان کے فوٹوز اینڈ ویڈیو شیئرنگ ایپ انسٹاگرام پر فالوورز کی تعداد 1 کروڑ تک پہنچ گئی، اور اس ہندسے پر پہنچنے والے وہ پہلے پاکستانی سیاستدان ہیں۔عمران خان کے اگر انسٹا اکاؤنٹ پر ایک نظر دوڑائی جائے تو وہ صرف ایک اکاؤنٹ کو فالوو کر رہے ہیں جو کہ ان کی جماعت پی ٹی آئی کا آفیشل اکاؤنٹ ہے۔دوسری جانب عمران خان کے اکاؤنٹ سے تاحال 15 ہزار691 پوسٹس شیئر کی جا چکی ہیں۔
فالوورز کی اس دوڑ میں دیکھا جائے تو موجودہ وزیراعظم شہباز شریف کے انسٹاگرام اکاؤنٹ سمیت دیگر سیاستدانوں کے اکاؤنٹس پر فالوورز کی تعداد ایک ملین سے بھی کم ہے۔یہاں یہ بات بھی علم میں رہے کہ تحریک انصاف کے موجودہ چیئرمین بیرسٹر گوہر ہیں جبکہ انسٹاگرام پر بانی کو پارٹی کا موجودہ چیئرمین قرار دیا جارہا ہے۔ دوسری جانب اگر عمران خان کے ایکس اکاؤنٹ کا جائزہ لیا جائے تو سابقہ ٹوئٹر پر بانیٔ پی ٹی آئی کے 21.1 ملین فالوورز موجود ہیں۔
تازہ ترین خبروں کے لیے پی این آئی کا فیس بک پیج فالو کریں
