کریڈٹ ریٹنگ کے عالمی ادارے فچ نے پاکستان کی ریٹنگ اپ گریڈ کردی۔
فچ نے پاکستان کی ریٹنگ سی پلس سے بی مائنس کردی ہے، پاکستان کی غیرملکی ڈیفالٹ ریٹنگ ٹرپل سے بڑھا کر بی مائنس کردی گئی ہے۔فچ نے پاکستان کا آؤٹ لک بھی مستحکم قرار دیا ہے۔
فچ کا کہنا ہے کہ پاکستان کا آئی ایم ایف پروگرام پر عملدرآمد بہتر ہوا اور فنانسنگ تک رسائی میں بھی آسانی ہوئی۔ریٹنگ ایجنسی کے مطابق توقع کہ ہے جون تک پاکستان کا مجموعی بجٹ خسارہ کم ہو کر 6 فیصد ہو جائے گا، درمیانی مدت میں یہ خسارہ تقریباً 5 فیصد تک محدود رہنے کی امید ہے، مالی سال 2024 میں یہ خسارہ تقریباً 7 فیصد تھا۔
فچ کا کہنا ہے کہ پاکستان کا موڈیزاور ایس اینڈ پی آؤٹ لک بھی مستحکم ہے، یہ پیش رفت پاکستان کی معیشت میں استحکام کے اشارے ہیں۔ایجنسی کا کہنا ہے کہ پاکستان کے معاشی چیلنجز بدستور موجود ہیں، پاکستان میں معاشی اصلاحات کا تسلسل برقرار رکھنا انتہائی اہم ہے۔واضح رہے کہ پاکستان کی جولائی 2022 تک ریٹنگ بی مائنس تھی۔
تازہ ترین خبروں کے لیے پی این آئی کا فیس بک پیج فالو کریں
