ڈیرہ غازی خان کے علاقے تونسہ میں لکھانی پولیس چیک پوسٹ پر دہشت گردوں نے حملہ کر دیا۔
پولیس کے ترجمان کے مطابق جوابی کارروائی میں 3 دہشت گرد ہلاک ہو گئے جبکہ ان کے دیگر ساتھی فرار ہو گئے۔ترجمان کے مطابق حملہ آور دہشت گردوں کی تعداد 20 سے 25 تھی، جو ہلاک ساتھیوں کی لاشیں لے کر فرار ہوئے، بڑی تعداد میں دہشتگردوں کے زخمی ہونے کی تصدیق بھی ہوئی ہے۔ترجمان کا کہنا ہے کہ پنجاب پولیس، سی ٹی ڈی اور دیگر اداروں نے علاقہ سیل کر کے سرچ آپریشن کیا، جوابی کارروائی پر دہشتگرد اپنے جوتے اور دیگر سامان چھوڑ کر بھاگے۔
آئی جی پنجاب نے کہا ہے کہ پنجاب پولیس خوارجی دہشتگردوں کے خلاف سیسہ پلائی دیوار ہے، پنجاب پولیس الرٹ ہے، خوارجی دہشتگردوں کو صوبے میں داخل نہیں ہونے دیں گے۔یاد رہے کہ اس سے قبل رواں ماہ بھی اسی علاقے میں پولیس چیک پوسٹ پر سحری کے وقت دہشت گردوں نے حملہ کیا تھا جسے ناکام بنا دیا گیا تھا۔وزیرِ داخلہ محسن نقوی نے ڈیرہ غازی خان کی سرحدی چیک پوسٹ پر خوارجی دہشت گردوں کا حملہ ناکام بنانے پر پولیس کو شاباش دی تھی۔
تازہ ترین خبروں کے لیے پی این آئی کا فیس بک پیج فالو کریں
