لاہور(پی این آئی) پاکستان تحریک انصاف نے 22اپریل کو مینار پاکستان جلسے کی اجازت کے لئے درخواست ہائیکورٹ میں دائر کر دی۔
درخواست پی ٹی آئی رہنما اکمل خان باری نے دائر کی، درخواست میں ڈپٹی کمشنر لاہور سمیت دیگر کو فریق بنایا گیا ہے۔درخواست میں موقف اپنایا گیا ہے کہ 22مارچ 2025ء کو جلسے کی اجازت کے لئے ڈی سی لاہور کو درخواست دی، درخواست پر متعلقہ کمیٹی نے بلوا کر موقف سنے بغیر فیصلہ کیا۔فیصلے سے متعلق درخواست گزار کو علم نہیں تھا، ڈپٹی کمشنر لاہور کی جانب سے سست روی کی وجہ سے 22 مارچ کو جلسہ نہیں کرسکے۔درخواست میں استدعا کی گئی ہے کہ عدالت 22اپریل کو جلسے کی اجازت دینے کا حکم دے، عدالت 22اپریل کو جلسے کی اجازت کی درخواست منظور کرے۔
تازہ ترین خبروں کے لیے پی این آئی کا فیس بک پیج فالو کریں
