مہنگائی سے ستائی عوام کیلئے ایک اور بری خبر‎

ویب ڈیسک (پی این آئی) وزارتِ خزانہ نے ماہانہ معاشی ماہانہ آؤٹ لُک رپورٹ جاری کردی۔

رپورٹس کے مطاق ترسیلات زر، برآمدات، درآمدات،محصولات،نان ٹیکس آمدنی میں اضافہ ہوا جبکہ مالی خسارے اور مہنگائی میں کمی اور اسٹیٹ بینک کے ذخائر میں اضافہ ہوا ہے۔رپورٹ میں بتایا گیا ہے کہ مارچ میں مہنگائی بڑھنے کی رفتار 1 سے 1.5 فیصد رہنے کا امکان جبکہ اپریل میں مہنگائی بڑھنے کی شرح 2 سے 3 فیصد رہنے کی توقع ہے۔فروری میں چینی، ڈیری اور ویجیٹبل آئل کی قیمتوں میں اضافہ ہوا۔ ان اشیاء کی مہنگائی 8.2 فیصد سے بڑھ کر 9.7 رکارڈ ہوئی۔

رپورٹ میں بتایا گیا ہے کہ 8 ماہ میں مہنگائی کی شرح 5.9 فیصد رکارڈ ہوئی، گزشتہ مالی سال اسی عرصے میں مہنگائی کی شرح 28 فیصد تھی۔جولائی سے فروری تک بڑی صنعتوں کی پیداوار میں 1.78 فیصد کی کمی ہوئی جبکہ بیرونی سرمایہ کاری میں سالانہ بنیادوں پر 11.8 فیصد کا اضافہ ہوا۔فروری میں بیرونی سرمایہ کاری میں 67.5 فیصد کی کمی ہوئی جبکہ ترسیلات زر میں جولائی تا فروری 32.5 فیصد کا اضافہ ہوا۔برآمدات میں رواں مالی سال 7.2 فیصد اور درآمدات میں 11.4 فیصد کا اضافہ ہوا۔ کرنٹ اکاؤنٹ خسارہ سرپلس اور روپے کی قدر میں معمولی کمی ہوئی۔