اسلام آباد (پی این آئی ) پاکستان نے حالیہ دہشت گردی واقعات کے بعد افغانستان کی عبوری حکومت کی قیادت سے رابطہ کرلیا، فریقین نے دو طرفہ تعلقات کو مزید مستحکم کرنے کیلئے اعلیٰ سطح روابط بڑھانے پر اتفاق کیاہے ۔
“جنگ ” کے مطابق افغانستان کےلیے نمائندہ خصوصی محمد صادق خان نے ایک بیان میں کہا کہافغان عبوری حکومت کے وزیرخارجہ امیرخان متقی سےکابل میں ملاقات ہوئی ہے۔دورے کے دوران صادق خان نے افغانستان کے قائمقام وزیر تجارت نور الدین عزیزی سے بھی ملاقات کی، جس میں دو طرفہ تجارتی و اقتصادی تعلقات پر تبادلۂ خیال کیا گیا۔صادق خان نے مزید کہا کہ پاکستان کے افغانستان کے ساتھ باہمی فائدہ مند تعلقات کے فروغ کے عزم کا اعادہ کیا ہے۔ فریقین نے دو طرفہ تعلقات کومزیدمستحکم کرنے کےلیے اعلیٰ سطح روابط بڑھانے پر بھی اتفاق کیا ہے۔
تازہ ترین خبروں کے لیے پی این آئی کا فیس بک پیج فالو کریں
