سوشل میڈیا پرمنفی پروپیگنڈا، پی ٹی آئی کے ملوث ہونے کے شواہد سامنے آ گئے

اسلام آباد(پی این آئی) سوشل میڈیا پر منفی پروپیگنڈا مہم کے حوالے سے پی ٹی آئی کے ملوث ہونے کے شواہد سامنے آگئے ہیں۔

جے آئی ٹی ذرائع کے مطابق، تفتیش کے دوران جے آئی ٹی نے اشتعال انگیز مواد اکٹھا کیا ہے، جو ریاست مخالف سرگرمیوں اور پروپیگنڈے کا ثبوت ہے۔جے آئی ٹی ذرائع کا کہنا ہے کہ پی ٹی آئی افراد سے دوران تفتیش جے آئی ٹی نے اشتعال انگیز مواد اکھٹا کیا ہے، مخالف سرگرمیوں میں پی ٹی آئی قیادت کے قریبی رشتے دارملوث پائے گئے، جے آئی ٹی مفرور افراد کے خلاف کارروائی کی سفارش کر رہی ہے۔ یہ ریاست مخالف پروپیگنڈا آف شور اکاؤنٹس کے ہیڈلرز کے ذریعے کیا گیا۔

ذرائع جے آئی ٹی کے مطابق یہ ریاست مخالف پروپیگنڈا اندرون ملک اور آف شور اکاؤنٹس کے ہیڈلرز کے ذریعے کیا گیا، اس پروپیگنڈا مہم کی مالی اعانت غیر ملکی لابیز اور پی ٹی آئی قیادت کے ذریعے کی جا رہی ہے، غیر ملکی لابیز پی ٹی آئی قیادت کے ساتھ مل کر اس پروپیگنڈا مہم کو کنٹرول بھی کر رہی ہیں۔ یہ مواد پی ٹی آئی قیادت کی ریاست مخالف سرگرمیوں اور پروپیگنڈے کا ثبوت ہے۔جے آئی ٹی ذرائع نے بتایا کہ پی ٹی آئی کے افراد سے سوشل میڈیا پر منفی پروپیگنڈے کے حوالے سے تحقیقات کر رہی ہے، جے آئی ٹی الیکٹرانک جرائم کے ایکٹ 2016ء کے تحت تشکیل دی گئی تھی۔

جے آئی ٹی ذرائع کے مطابق فورم فعال طور پر مجرموں کیخلاف قانونی اورانتظامی کارروائیوں کی سفارش کر رہی ہے، جے آئی ٹی مفرور اور غیر حاضر افراد کے خلاف سخت کارروائی کی سفارش بھی کر رہی ہے، پی ٹی آئی سینٹرل میڈیا ڈویژن اور سوشل میڈیا ٹیم کی کارروائیاں ’رضاکار فورس‘ کے ذریعے نہیں کی گئیں۔ذرائع کا کہنا ہے کہ وفاقی حکومت کی قائم کردہ جے آئی ٹی کی سربراہی اسلام آباد پولیس کے آئی جی کر رہے ہیں۔