ویب ڈیسک (پی این آئی) جمیعت علمائے اسلام کے اپوزیشن اتحاد میں شامل ہونے کے معاملے پر اڈیالہ جیل سے گرین سگنل مل گیا۔ پی ٹی آئی نے سابق چیئرمین عمران خان سے مشاورت مکمل کرلی ہے۔
ذرائع کا کہنا ہے کہ اپوزیشن اتحاد میں جے یو آئی شامل ہوگی یا نہیں، پی ٹی آئی نے عمران خان سے مشاورت مکمل کرلی۔ مران خان کی جانب سے گرین سگنل ملنے کے بعد پی ٹی آئی نے جمعیت علمائے اسلام کو مطالبات اور شرائط کی منظوری کا پیغام بھجوادیا۔ذرائع کے مطابق جمعیت علمائے اسلام نے زبانی کی بجائے تحریری یقین دہانی مانگ لی، جے یو آئی نے اپوزیشن اتحاد کے لیے مزید سوالوں کے جواب بھی مانگے۔
ذرائع نے بتایا ہے کہ جے یو آئی نے موقف اپنایا ہے کہ 26 ویں آئینی ترمیم کے وقت پی ٹی آئی کو اعتماد میں لیا تھا بعد میں الزام جے یو آئی پر لگانا افسوس ناک عمل ہے، اسٹیبلشمنٹ اور حکومت سے مذاکرات پر بھی جے یو آئی نے شدید تحفظات کا اظہار کیا، حکومت یا اسٹیبلشمنٹ کے ساتھ مذاکرات اپوزیشن کرے گی پارٹی کے سطح پر نہیں ہوں گے۔
جمیت علماء اسلام نے سوال کیا کہ اپوزیشن اتحاد نیا بنایا جائے گا یا تحفظ آئین پاکستان کے تحت اتحاد کام کریں گا، نئے اتحاد کا اسٹرکچر کیا ہوگا، کون کون سی جماعتیں شامل ہوں گی۔جمیعت علماء اسلام نے تجویز دی کہ اپوزیشن اتحاد اپنے فیصلے خود کرے گا با اختیارہوگا، پی ٹی آئی بانی پی ٹی آئی سے مشاورت کرے مگر حتمی فیصلہ اپوزیشن اتحاد کا ہوگا، تمام فیصلے تحریری ہوں گے، بانی پی ٹی آئی سے حتمی مشاورت کرکے ہمیں آگاہ کریں۔
تازہ ترین خبروں کے لیے پی این آئی کا فیس بک پیج فالو کریں
