آئی ایم ایف سے وزارت خزانہ اور منصوبہ بندی حکام کے مذاکرات میں اہم پیش رفت ہوئی ہے۔
ذرائع پلاننگ کمیشن کے مطابق وزارت خزانہ اور منصوبہ بندی نے آئی ایم ایف کو گرین انیشیٹو رپورٹ جمع کروا دی۔وزارت منصوبہ بندی نے گرین انیشیٹو پر موسمیاتی تبدیلی کے منصوبوں پر رپورٹ دی۔ وزارت خزانہ نے آئی ایم ایف مطالبے پر پلاننگ کمیشن کو رپورٹ تیار کرنے کی ہدایت دی تھی۔
ذرائع کا کہنا ہے کہ یہ رپورٹ آئی ایم ایف نے سب سے پہلے مطالبات میں شامل کر رکھی تھی، میٹنگ میں رواں مالی سال کیلئے پی ایس ڈی پی اخراجات اور کٹوتی پربھی بات چیت کی گئی۔ وزارت خزانہ اور وزارت منصوبہ بندی حکام نے تعارفی سیشن میں بریفنگ دی۔ذرائع وزارت خزانہ کا کہنا ہے کہ معاشی ٹیم کل سےآئی ایم ایف وفد سے باقاعدہ مذاکرات کا آغاز کرے گی اور شیڈول کے مطابق آئی ایم ایف سے کل وزارت خزانہ و دیگر وزارتوں کی میٹنگز ہوں گی۔
تازہ ترین خبروں کے لیے پی این آئی کا فیس بک پیج فالو کریں
