فافن نے پنجاب میں اداروں کی کارکردگی اور شفافیت پر مبنی رپورٹ پیش کر دی۔
فری اینڈ فیئر الیکشن نیٹ ورک (فافن) نے اپنی جاری کردہ رپورٹ میں پنجاب حکومت کی شفافیت کی سطح کو وفاقی حکومت سے بہتر قرار دے دیا۔رپورٹ کے مطابق پنجاب کے 253 سرکاری اداروں کا احاطہ کیا گیا۔ 43 پنجاب سیکرٹریٹ محکموں اور 27 منسلک محکموں کا جائزہ لیا گیا۔ جبکہ پنجاب میں 147 خود مختار اداروں کا بھی جائزہ لیا گیا۔
23 سرکاری کمپنیوں اور 13 خصوصی اداروں کا بھی جائزہ لیا گیا۔رپورٹ میں کہا گیا کہ وفاقی وزارتیں اوسطاً 42 فیصد معلومات کا انکشاف کر رہی ہیں۔ اور پنجاب کے اداروں کی فعال طور پر 61 فیصد معلومات دستیاب ہیں۔ پنجاب میں ذیلی ادارے 52 فیصد تک معلومات ویب سائٹس پر مہیا کر رہے ہیں۔
تازہ ترین خبروں کے لیے پی این آئی کا فیس بک پیج فالو کریں
